Joriy yilning 10- yanvar kuni Jizzax viloyat statistika boshqarmasi boshligi D.Mulladjanov hamda Turmush darajasi statistikasi va uy xo’jaliklari kuzatuvlari bo'limi intervyuyeri A. To'raqulov  bilan birgalikda uy xo‘jaliklari kuzatuvlariga tushgan  Jizzax shahar Olmazor mahallasi 6 uy 35 -xonadonda yashovchi Ibragimova Dilafruz xonadonida  yaqindan suhbatlashdi va kuzatuvning maqsad vazifalari bo‘yicha atroflicha ma’lumot berib o‘tdi.
Kuzatuv o'tkazish jarayonida uy xo‘jaliklari tanlanma kuzatuvlarini o‘tkazish sifatini tashkil etish tartibi va qoidalariga rioya qilinishi, ushbu jarayonda to‘ldirilgan savolnomalar sifati va haqqoniyligini ta’minlash, yakuniy ma’lumotlarning mutaxassislar tomonidan to‘liq tahlil qilinishi dolzarb vazifa ekanligini, bu esa o‘z navbatida statistika hodimlariga katta mas’uliyat yuklashini ta’kidladi.

Ma'lumot o‘rnida aytib o‘tish kerakki, Uy xo‘jaliklarida o‘tkazilgan kuzatuvlar natijalari asosida ijtimoiy-iqtisodiy jarayonlarning aholi turmush darajasiga ta’sirini o‘rganish va mamlakat aholisi farovonligini yanada yuksaltirishga qaratilgan qo‘shimcha chora-tadbirlarni ishlab chiqish uchun ma’lumotlar shakllantiriladi.