O‘quv seminarda uy-joy ro‘yxatini tuzuvchilar o‘ziga tegishli registratorlik uchastkasining sxematik rejasiga aniqliklar hamda zarur hollarda tegishli tuzatishlar kiritish, aholi yashaydigan yoki yashashi mumkin bo‘lgan turar joy va noturar-joy binolar ro‘yxatini tuzish kabi ishlar amalga oshirilishi haqida batafsil to‘xtalib o‘tildi.
Aholini ro‘yxatga olish – bu mamlakat aholisining muayyan vaqtdagi “fotosurati”ni olish imkonini beruvchi umumdavlat miqyosidagi keng ko‘lamli tadbir bo‘lib, aholi to‘g‘risidagi ishonchli axborot manbasi hisoblanadi.
Ta’kidlash lozimki, aholini ro‘yxatga olish ma’lum bir davrda O'zbekiston aholisining soni, yoshi, jinsi, diniy va etnik tarkibi, oilaviy ahvoli, ma’lumot darajasi, uy-joy bilan ta’minlanganligi, iqtisodiy faolligi, daromad olish manbalari, nogironligi xususida batafsil ma’lumot olishga yordam beradi.
Shuningdek, aholi jon boshiga makroiqtisodiy ko‘rsatkichlarning taqsimlanishini hisoblashda ishlatiladi, migratsiya holatini, mehnat resurslari taqsimotini aniq ko‘rsatib beradi.
Eslatib o‘tamiz, aholini ro‘yxatga olish bo‘yicha asosiy tadbir 2023-yil noyabr oyida o'tkaziladi.
Axborot xizmati