2021- yilning 20- dekabr kuni Davlat statistika qo‘mitasi tomonidan kadrlar salohiyatini oshirish, tizimda ilg‘or va zamonaviy metadologiyalarni keng targ‘ib etish maqasadida navbatdagi onlayn o‘quv-seminari o‘tkazildi.
Vebinar qo‘mitaning Aholi turmush darajasi va kuzatuvlari statistikasi boshqarmasi tomonidan tashkil etildi.
Tadbirda dastlab, 2021- yil 27- avgustdagi Vazirlar Mahkamasining 544-son “Minimal iste’mol xarajatlari qiymatini hisoblash tartibini amaliyotga joriy etish to‘g‘risida” qarori ijrosi bo‘yicha so‘z yuritildi.
Shuningdek, Birlashgan Millatlar Tashkilotining Oziq-ovqat va qishloq xo‘jaligi tashkiloti (FAO)ning “Aholining o‘rtacha yoki og‘ir darajadagi oziq-ovqat xavfsizligi darajasi “Oziq-ovqat xavfsizligini sezish darajasi” (FIES) savolnomasi bo‘yicha tushuntirish ishlari olib borildi.
Shundan so‘ng, qo‘mitaning Aholi turmush darajasi va kuzatuvlari statistikasi boshqarmasi boshlig‘i o'rinbosari Urazbayev Rahmatjon tizim xodimlarining malakasi va salohiyatini oshirish yuzasidan fikr-mulohaza bildirdi.
Seminarda mavzu yuzasidan fikr almashinib, berilgan savollarga batafsil javob qaytarildi.
Axborot xizmati