Joriy yilning 2-noyabr kuni Viloyat statistika boshqarmasida 2021-yil III chorak yakunlari bo‘yicha boshqarmaning kengaytirilgan Kengash yig‘ilishi o‘tkazildi. Unda Viloyat statistika boshqarmasi rahbariyati, boshqarma va tuman (shahar) statistika bo‘limi boshliqlari qatnashishdi.
Kun tartibiga binoan, Viloyat statistika boshqarmasi boshlig‘i v. v. b. D.Mulladjanov Kengash yig‘ilishini ochib berdi, Davlat statistika qo‘mitasining topshiriqlarini bajarilishi hamda topshiriqlarda statistika boshqarmasi oldiga qo‘yilgan vazifalar va tizimda 2021-yil III chorakda amalga oshirilgan ishlar samaradorligi borasida to‘xtalib o‘tdi.
Yig‘ilish kun tartibiga binoan, O‘zbekiston Respublikasi Prezidentining 2020- yil 3- avgustdagi “O‘zbekiston Respublikasining Milliy statistika tizimini yanada takomillashtirish va rivojlantirish chora-tadbirlari to‘g‘risida”gi qarori va “2020–2025- yillarda O‘zbekiston Respbulikasida statistikani rivojlantirishning milliy strategiyasi”da davlat statistika idoralariga yuklatilgan vazifalar hamda amalga oshirilishi lozim bo‘lgan ishlar borasida alohida to‘xtalib, tegishli topshiriqlar berildi.
Kengaytirilgan Kengash yig‘ilishida, Vazirlar Mahkamasining 2020- yil 11- noyabrdagi “O‘zbekiston Respublikasida 2023- yilda aholini ro‘yxatga olishga tayyorgarlik ko‘rish va uni o‘tkazish chora-tadbirlari to‘g‘risida”gi 710-son qarori doirasida amalga oshirilgan ishlar, “Aholini ro‘yxatga olish to‘g‘risida”gi O‘zbekiston Respublikasi qonuni ijrosini ta'minlash yuzasidan kelgusidagi ustuvor vazifalar bo‘yicha ko‘rsatmalar berildi.
O‘zbekiston Respublikasi Prezidentining 2017 yil 11 apreldagi PQ-2881-son qarorida belgilangan vazifalarning so‘zsiz ijrosini ta’minlash, ijro intizomini yanada mustahkamlash bo‘yicha tuman va shahar statistika bo‘limlari tomonidan amalga oshirilayotgan ishlar natijalari muhokama qilindi va kelgusida qilinishi kerak bo‘lgan vazifalar belgilab olindi.
Shuningdek, O‘zbekiston Respublikasi Prezidentining 2019 yil 27 maydagi “O‘zbekiston Respublikasida koorupsiyaga qarshi kurashish tizimini yanada takomillashtirish chora-tadbirlari to‘g‘risida”gi PF-5729-son Farmoni bilan belgilab berilgan vazifalar ijrosi natijalari muhokama qilindi.
Kengash yig‘ilishida viloyat statistika bo‘limlarida amalga oshirilgan ishlar hamda statistik ko‘rsatkichlarni ommaviy axborot vositalarida yoritish, infografika roliklarini tayyorlash va mahalliy telekanallarda efirga uzatish, shuningdek, davlat tilida ish yuritishni samarali tashkil qilishga oid masalalar ham muhokama qilindi.
Kengaytirilgan Kengash yig‘ilishi yakunida vazifalarni o‘z vaqtida bajarmagan xodimlarga tegishli choralar ko‘rish, ish faoliyatini namunali yo‘lga qo‘ygan ishchi-xodimlarni rag‘batlantirish bo‘yicha tegishli qarorlar qabul qilindi.
Axborot xizmati