Milliy statistika qoʻmitasi maʼlumotlariga koʻra, 2026-yilning yanvar–iyun oylarida Oʻzbekiston xorijga qiymati 872,9 mln AQSH dollariga teng boʻlgan 1 086,7 ming tonna meva-sabzavot mahsulotlari eksport qilgan.
Meva-sabzavot mahsulotlari eksporti hajmi 2025-yilning mos davriga nisbatan 8,5 ming tonnaga oshgan. Eksport qiymati esa oʻtgan yilning mos davriga nisbatan 3 foizga koʻpaygan.
Eksport tarkibi quyidagicha:
sabzavotlar — 504,3 ming tonna;
meva va rezavorlar — 158,5 ming tonna;
tarvuz va qovun — 128,6 ming tonna;
mosh — 35 ming tonna;
yeryongʻoq va yongʻoqlar — 12,4 ming tonna;
boshqalar — 248 ming tonna.